Die nes is nou leeg - #LetsTalk - 'n Uitnodiging

Photo source: http://www.healthwellnesscolorado.com/reinforcing-an-empty-nest/

Welkom weer, liewe mede-reisiger!

Daar is ‘n rede dat jy verby die opskrif hierbo gelees het. Hieronder is een persoon se ervaring van ons opskrif -  

Miskien was of is jou eie ervaring van die lee nes ding baie anders.

Miskien het jy nuttige idees of wenke.

Hieronder is net een ervaring. Wil jy saam lees en dit miskien oorweeg om ons te vertel van jou eie ervaring? Of selfs net jou gedagtes rondom die onderwerp? #LetsTalk:

Joy shared – is joy doubled en

Trouble shared – is trouble halved

Kom saam:

Hierdie is nie ‘n plek wat ek gekies het nie. Dis nie ‘n plek waar ek regtig ooit wou gewees het nie. Maar hier is ek nou…

Nou ja “hulle” het altyd gepraat van die lee nes ervaring, maar my keuse was altyd om “lee nes” as ‘n moontlike bedreiging iewers ver in die toekoms te sien. Nou nie juis ‘n frase waarvoor ek al ooit die lus of energie of tyd gehad het nie! Wie wil nou aan leeg dink as vol so lekker vol is!

En toe vang dit my erg onkant –nie dat ek dink dat ek ooit hiervoor sou kon voorberei nie! Ek vermoed dat waar ek nou is, dalk is wat dit is – wat dit die leegheid van die nes werklik beteken.

Daar is nogals ‘n baie lang lyn tussen vol en leeg. En vir so lank was leeg nie eintlik ‘n opsie nie – want ons lewens was vol – die kinders het my besig gehou – sommer baie besig. En alhoewel ek soms gekla het, wou ek dit nooit anders gehad het nie – kon dit nie beter nie! En vol het so lank aangehou en met tyd eintlik net al hoe voller geraak.

Ek ken gladnie die pad tussen vole n leeg nie. Ek weet net dat die nes en die kinders in die nes tot oorlopens toe vol was en dat dit nou baie skielik so leeg is soos ‘n dam in die Wes Kaap is…

En ek het ‘n groot en diep dors na iets wat ek nie ken nie…

The winds of change

Are blowing hard in our direction

We can’t go back

and we can’t stand still

                (Mike Batt)

Hierdie is so ietsie van een ervaring.

Wat was of miskien is jou ervaring?

Skryf vir ons. Laat ons weet?

Kom ons gebruik die volheid van ons eie unieke en dikwels oorweldigende ervarings van ons leegheid, om die wat na ons kom, voor te berei – uit te nooi. Kom ons deel saam ons fotos van ons eie ervaringe rondom ‘n nes wat leeg geword het – soos wat dit gebeur. Daar is geen GPS vir die uniekheid van elkeen se ervaring nie. En mens raak tog so al te maklik verdwaal in die unieke en dikwels baie alleen ervaring van die klaargeid  en finaliteit van die einde van graad 12. (Of enige einde !)

Kom ons probeer saam as ouers sin maak van graad 13 en verder – kom ons soek saam na die sin van hierdie lewensfase. En in die proses – kom ons karteer die pad vir baie van die wat na ons kom – net omdat ons dit heel moontlik dit vir die wat na ons kom gun om beter as ons voorberei te wees op hierdie deel van die pad van ouerskap.

#LetsTalk

Gegroet, liewe mede-reisiger - hoop om van jou te hoor!

Tot volgende keer!

Ons is ook by:

http://randburgcounsellingcentre.yolasite.com/

#emptynest #parenting #ouerskap #loss #lonely #depressed #worried #aimless #goal #purpose #thenextstep #meaning #nextsteps #whatnow #worriedmom 

Om te moet wag. ( #LetsTalk )

Gegroet, liewe medemens!

Geduld is 'n baie skaars ding in vandag se lewe. Om te moet wag vir iets om te gebeur het amper ongehoord en ontoelaatbaar geraak. Miskien is dit waarom Samuel Beckett se uitbeelding van die absurditeit van om te moet wag so gewild was:

Waiting for Godot is an absurdist play by Samuel Beckett, in which two characters, Vladimir and Estragon, wait endlessly and in vain for the arrival of someone named Godot. Godot's absence, as well as numerous other aspects of the play, have led to many interpretations since the play's 1953 premiere. It was voted "the most significant English language play of the 20th century"

 Die reels van ons samelewing bepaal dat om te moet wag net aanvaarbaar kan wees as ek "produktief" en "besig" is terwyl ek wag. E-posse, sosiale media, telefoonoproepe maak "om te wag"  dalk so half toelaatbaar.

Maar om net te moet sit en wag - dis niks anders as gewoon tydmors nie. Of is dit? Kan dit dalk wees dat ons nie meer weet hoe om stil te sit nie. Dat besigwees my dalk red van bewusword van dit wat binne my gebeur wanneer ek stil sit?

Kan jy stil sit en wag? Wat is die rusteloosheid wat binne in jou roer wanneer jy stilraak?

Wanneer die geraas bedaar en ek vriende kan begin maak met die stiltes binne in my, dis dan wanneer ek uitgenooi word om 'n nuwe en groter arena te betree. 'n Plek waar daar spasie, uitkoms en stilte is. 'n Plek waar vrede en liefde in oorvloed beleef en gedeel kan word.

Dis 'n plek wat elkeen van ons winkend uitnooi. 'n Plek wat vir ons wag...

Gegroet!

ONS REIS RUSTIG VOORT

#geduld #waiting #vrede #awakening

Stilte op die pad.

Liewe mede-reisiger,

Het jy al stilgehou in die middel van 'n lang woestynpad? Om stil te hou wanneer daar niks behalwe vreeslik baie niks om jou is, is onmenslik moeilik. Dis moeilik omdat mens se eie binnelawaai in stilte oorverdowend intimiderend kan raak. Hierdie binnelawaai kan so intimiderend wees soos 'n kind wat in 'n winkelsentrum 'n formidabelle vloermoer gooi!

Maar om hierdie geraas in klein dosissies van stilte vas te vat, vas te vang, vas te hou en te laat rustigword, hou groot beloning in. Wanneer jou eie binnestemme die kans gegee word om gehoor te word en vasgevat te word, dan raak hulle oor tyd heen rustiger. Hulle laat jou dan oor tyd met wonderlike stukke stilte. Binne hierdie stilte word 'n  Groter stem oorwinnend en kalmerend duideliker. Hierdie Groter stem, is 'n stem van vertroosting, bemoedigend en vrede. Dis 'n Stem van groot veiligheid en dit is 'n Stem wat rigting gee. Die groter stem is 'n stem wat jou geliefdheid bevestig. 'n Stem wat jou veilig omvou.

Soos wat jou vriendskap met jou nuwe Reisgenoot, genaamd stilte groei, begin jy besef dat hierdie Groter stem eintlik 'n baie betroubare altyd-daar Reisgenoot is.

Nou kan vrede en vreugde groei as uitkomste op die lewens pad wat omskep word in 'n lewensavontuur!

Liewe reisgenoot,

ONS REIS BLYMOEDIG VOORT !


--------------------------------------------------------------------------------

http://randburgcounsellingcentre.yolasite.com/contact-us.php

'n Vreemde dors : Verhoudingsdors. Ons smag na die oases in die woestyn... #LetsTalk

Gegroet liewe medemens.

Ons kom nie meer by saamkuier uit nie.  Die gaping tussen mense: Dis groot en wyd en soms verlatediep. Die gebrek aan betekenisvolle kontak. Soos die inflasiekoers? Kontak-inflasie! Inflasie het ook ons saamwees woes gedevalueer.
Gaan ons baie intensioneel hierdie jaar anders maak?

Waar is jy liewe vriend in hierdie lewenslandskap? Ek mis jou ook. Waar en wanneer kan ons probeer opvang?  Sal ons 'n afspraak maak?

Ons afspraak raak dan soos 'n oase in die woestyn. 'n Afgesproke en baie intensionele tyd en plek waar daar vir onderbreking, haas en spoed nie plek is nie. 'n Lewenslyn vir ons beide.

Sonder afspraak is daar vandag min spasie oor vir spontaniteit, saamwees en opvang. 'n Geskeduleerde afspraak kan vervullend goed wees veral wanneer dit vanuit goedheid- en guns-behoeftes baie intensioneel geskeduleer word.

Kom laat ons saamkom in 'n ritme en roetine van lekker saamkuier. Kom laat ons saam baie intensioneel oases van koel rustigheid in die wildernes van warm woestyndae skep - tydmaak vir opvang, moedskep en saamwees langs diepe waters van rus.

Uitgenooi, liewe medemens!

ONS REIS UITGENOOI, HOOPVOL EN BLYMOEDIG VOORT!

................................................................................................................

 Randburg Counselling Centre #LetsTalk

 http://randburgcounsellingcentre.yolasite.com/

 Join us on FACEBOOK : http://www.facebook.com/groups/241547141455/

Twitter : @Khristoffel

Bon Voyage! Go well! Voorspoedige reis!

Gegroet liewe medemens!

Mag jou reis voorspoedig wees! Mag jy die U-draaie en Cul-de-sac omdraaie van verdwaalpaaie geniet as deel van die avontuur van die lewenspad.

Nie altyd maklik nie - nee. Meeste van ons kom egter daardeur - en jy kan kies om een van ons te wees!

Kom ons gaan vandag by ons volksvader aanklop:

 CJ Langenhoven :

Dis die smorende vuur wat swaarkry,

En tog nie die kos kan gaarkry.
En die vrolike vlam wat klap en kraak,
Dis hy wat sy taak tot vermaklikheid maak,
En sy swaarkry met lekkerkry klaarkry.

En verder as ek mag:

Almal van ons, behalwe die gelukkige ongelukkiges wat geestelik stilstaan, bly maar voortdurend besig om vorige opvattings en oortuigings in heroorweging te neem. Niemand van ons kom ooit tot finaliteit nie: die finaliteit van die dood keer vir ons halfpad. 

Stilstaan is nie 'n opsie. Weerstand kan erg pynlik raak. 

Laat gaan. Maak plek vir die lewe. Bon voyage!

ONS REIS BLYMOEDIG VOORT !

..........................................................................................................

http://randburgcounsellingcentre.yolasite.com/rates-and-services.php

Misverstande oppiepad

Alte dikwels, so ongevraagd en ongewensd dikwels, kom die misverstande oppie saam-oppiepad.

Die pyn, die verwydering en die afstand wat misverstande meebring, is alte dikwels "dealbreakers" wat lei tot amputasies wat eintlik vermy kon word indien die vaardighede van konstruktiewe konflik en konfrontasie beter bemeester sou kon word.

Waar kan ek en jy ons vaardighede in hierdie verband verbeter? Kan dit miskien die "missing link" wees wat die finaliteit van 'n verhoudingsbreuk kan voorkom?

En in die proses BOWENDIEN OOK baie pyn en lyding kan voorkom?

Is jy bereid om die tydelike ongemak van die groei-uitnodiging te deurleef?

Alles is moontlik terwyl daar gewilligheid is om die gesprek voort te sit - selfs al is dit in wel-beplande episodes!

ONS GAAN VOORT - BEMOEDIGD EN UITGENOOI TOT GROEI!

Vat jou goed en trek...

Vandag dink ons saam aan 'n ander tipe pad. 'n Moeiliker pad. Die swaar-hart pad. Die trekpad. Nie net die trekpad nie maar ook die ongewensde, ongevraagde onbeplande pad wat dikwels nie 'n saam-oppiepad is nie. Hierdie pad is meer dikwels die alleenpad. Die pad van byvoorbeeld verplasing na 'n ander stad, selfs na 'n vreemde land of erger nog dalk die pad van egskeiding, bankrotskap of dood.

Met hierdie tipe gedwonge reis laat ek my hart iewers agter en ek benader my bestemming soos 'n skoolseun wat in die moeilikheid is. Ek onthou nog 'n skooljuffrou wat ons altyd gedreig het met die skoolhoof se kantoor. Ek herinner my nog aan haar woorde:" As jy moeilikheid maak, is jy Maandogoggend op die rooi tapyt". Ironies genoeg is rooi tapyte gewoonlik bedoel vir "celebrities". Dit lyk dalk vir ander goed en aantreklik. Ek kan jou verseker dat die skoolhoof se rooi tapyt wanneer jy in die moeilikheid is, hoegenaamd nie aantreklik is nie! Dis hierdie tipe van ongevraagde en gedwonge pad waarvan ons hier praat! Dis dikwels ook 'n skaam-wegkruippad.

Het jy jouself al op hierdie tipe pad bevind?

Ook hierdie pad is makliker wanneer jy dit nie alleen doen nie. Om te vra is vir meeste mense moeilik, maar mede-reisigers maak enige pad makliker. Al moet jy dalk sover gaan om 'n ondersteuningsgroep te Google - maak dan so! Jy sal dalk net verbaas wees oor hoeveel ervare reisigers hierdie tipe pad al geloop het! Mededeelsaamheid bring steeds groot verligting want onthou jy nog: nie net is "sharing caring" nie, maar "trouble shared is troubled halved" bly ook nog steeds 'n bevestigde en betroubare misterie! Jy sal net moet kies om "vra" te inisieer!

Gegroet, liewe mede-reisiger!

ONS REIS MOEDIG VOORT!